منتديات سراج للصيد العربي
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة
المنتدي: سراج الأردني


منتديات سراج للصيد العربي

منتديات سراج للصيد العربي
 
الرئيسيةالبوابة*اليوميةس .و .جبحـثالمجموعاتالتسجيلدخول

شاطر | 
 

 استاند ...حتة حتة وزنقة زنقة ومسمار مسمار...هههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وجوه
مشرف المنتديات الأسرية
مشرف  المنتديات الأسرية


عدد المساهمات : 96
تاريخ التسجيل : 10/01/2012

مُساهمةموضوع: استاند ...حتة حتة وزنقة زنقة ومسمار مسمار...هههههههههه   الأحد يناير 15, 2012 3:11 am

صباح الفل.......
ترعة السلام.......فى يوم من ايام الزمان كنت بصطاد مع رجالة تمام.....فى ترعة السلام....وكانت الأدوار كلها شر واكبر سمكة قد البلى.......ويأسنا من حياتنا كمان وكنا هنروح من السلام......إلى ان جربنا دور قديم وكانت الدنيا قد بدأت على التعتيم.....وكان هو مصرف مخنوق جنب مزرعة سمكية لصاحبها ابو باسم الذوق.......والجوانب طينية على قديموا.......والساعة دخلت على 7 بالليل او بالليلواا ههههههه..........

وابص الاقيلكوا يا معلمين كل التراب اللى حوالين الترعة تحول الى طين...هههههههه...اة والله طين....الندى نزل على اول الليل وكل الأرض حوالين الترعة اللى احنا قاعدين عليها تحولت إلى طين بيلزق فى الجزم والكاوتشات وطبعا بهدل الفيابر والمكن وانا مازعلتش على نفسى لكن زعلت على بهدلة العدة...........عشان كدة قررت اول ما رجعت انى اعمل حامل للفيابر.........
انا صورتهولكوا.......حتة حتة وزنقة زنقة ومسمار مسمار...هههههههههه

ومن مميزاتة انة ممكن يصمد حتى لو الفيبر مسك سمكة 10 كيلو يا معلمين......ازاى؟ ....اقولكم...بسيطة جدا....طبعا مفيش رحلة بتخلو من عربية.......تلبس علية الأستبن بتاع العربية هتلاقية بقا لة قاعدة متينة......ولو مفيش يبقا حجرين بس مش على الشيشة ههههههههههه على الأضلاع الأربعة اللى فى القاعدة.........

طيب مفيش حجارة.....كيسين بلاستيك املاهم رمل يا عم............طيب مفيش رمل شنطتك يا سيدى او شنطة حد من الزملا.....
طيب مفيش شنط يا عم استخدم الأيس تانك.........مفيش..؟ يا عم اى كولمان او جركن مية مليان........مفيش ....فجر نفسك وارمى الفايبر وادينى ميسد كوول......هههههههههههه

الخامات......عليك وعلى اى واحد بيبيع حديد قديم...لقط منه زى مانت عاوز مسمار كبير وماسورة لعمل حرف التى اللى هيشيل الفيابر واما عن الحلقات اللى هتشيل الفيابر....ممكن كوبايات المساعدين ال 128 او 127 او اى كوباية مساعد معدن.......اكوباية دى اللى بتبقا من فوق وطالع منها مسمار التثبيت فى السيارة...ودا بيبقى طبعا المساعد الخلفى.....

لو رجع بيا الزمان كنت استخدمت الصليبة بتاعة العربية فى عمل قاعة الأستاند....لية هوفر خامات....ثانيا كدة كدة هتبقا معايا فى العربية....ثالثا جامدة جدا جدا واسألوا مسامير العربية ههههههههه.....

فية صورة وحيدة للأستاند وهو شغال عملى بس ماكنتش ناوى اصوره دنا كنت بصور كوكى وميدو ولادى........وكنا فى اول الرحلة.
بس هيبان فى الأستاند تعديل انا ضفتة مش موجود فى الصور المتصورة فى المكتب...وهو انى اضفت اسطوانة كمان اوسع شوية عشان
كنت جبت فايبر شامبيون وهو كان تخين حبتين من تحت.......ودا الظاهر قدام ميدو.......

مميزات الأستاند انة بيحمى الفيابر والمكن من الطين والبهدلة.......وخاصة فى صيد الليل......يعنى ممكن تركب علية حدافين وتتسلى بغماز يا باشا.........الليل يا باشا غمزة بيبقا على فترات بعيدة بس بتبقا حتتة محملة مش معقول هتقعد ماسك الفايبر على ايدك ساعة والا اتنين مستنى غمزة......هيريح ايدك

عيوب الأستاند.....شيلة...مع انة بيتفك بس الواحد بيبقا واخد حاجات كتير ايس بوكس وترمس وعدة صيد واكل وفيابر ومكن.......مع ان حجمة صغير مش كبير .بس .بصراحة مابتبقاش ناقصة لاخمة...الواحد لو مش طالع بعربيتة بيبقا عامل زى مايكون معزل ههههههه........مابخدوش الا لو طالع بعربيتى او اضطر اخدة لو عارف انى هقضى ليلة مطينة بطين على ترعة طينية.....

جارى دراسة عمل استاند اخف واسهل فى الطى و النقل........ولو حد عندة اقتراح يقول ولية الشكر........ارجو ان اكون قد تناولت الأستاند بشكل موضوعى.........وارجو ان اكون قد حزت اعجابكم على موضوعى.........روئة

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
Admin
avatar

الجنس : ذكر
عدد المساهمات : 1449
تاريخ التسجيل : 26/12/2011
العمر : 23
الموقع : منتديات سراج للصيد العربي

مُساهمةموضوع: رد: استاند ...حتة حتة وزنقة زنقة ومسمار مسمار...هههههههههه   الأحد يناير 15, 2012 3:47 am

مشكوووووور على الموضوووع الرائع rty

=============تـــوقــــيـــع العـــضــــو============
منتديات سراج للصيد العربي

JK اي عضو في المنتدى يريد توقيع فلاشي مثل هاد يكلمني على الخاص JK


♣️معقوله كلمه♣️










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hunter-jordan.jordanforum.net
 
استاند ...حتة حتة وزنقة زنقة ومسمار مسمار...هههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سراج للصيد العربي :: منتدى الصيد البري :: قسم معدات الصيد والتخييم-
انتقل الى: